नेपाल प्रहरीका ३ एसपी र ८ डीएसपीको काज सरुवा

काठमाडौँ, २ मंसिर । नेपाल प्रहरीका ३ जना प्रहरी उपरीक्षक (एसपी) सहित ११ जना प्रहरी अधिकृतहरूको जिम्मेवारी हेरफेर (काज सरुवा) गरिएको छ ।

 

प्रहरी महानिरीक्षक (आईजीपी) डा. मनोज केसीले ३ जना एसपी र ८ जना प्रहरी नायब उपरीक्षक (डीएसपी) को काज सरुवा गर्ने निर्णय गरेका हुन् ।

 

प्रहरी प्रधान कार्यालयका अनुसार कर्मचारी प्रशासन शाखामा कार्यरत एसपी निरञ्जन दत्त भट्टलाई जिल्ला प्रहरी कार्यालय सिन्धुपाल्चोकमा काज सरुवा गरिएको छ भने उनको स्थानमा एसपी कार्जी कुमार आचार्यलाई ल्याइएको छ । यस्तै, एसपी सुदीप पाठकलाई प्रहरी प्रधान कार्यालयस्थित विशेष ब्युरोमा सरुवा गरिएको छ ।

 

त्यसैगरी, आईजीपी केसीको निर्णयअनुसार ८ जना डीएसपीहरूको पनि जिम्मेवारी हेरफेर भएको छ । जसअनुसार प्रहरी प्रधान कार्यालयको केन्द्रीय लेखामा डीएसपी विश्वराज अधिकारी, आर्थिक प्रशासन तथा प्रबन्ध निर्देशनालयमा तर्कराज पाण्डे र कर्मचारी प्रशासन शाखामा दान बहादुर थापालाई ल्याइएको छ ।

 

कर्मचारी प्रशासन शाखामा कार्यरत डीएसपी मदक कुँवरलाई राष्ट्रिय प्रहरी प्रशिक्षण प्रतिष्ठान महाराजगञ्ज, प्रबन्ध निर्देशनालयमा कार्यरत प्रकाश थापालाई पहरा गण र केन्द्रीय लेखा प्रमुख शेखरजंग मल्ललाई सुरक्षा सेवा व्यवस्थापन महाशाखामा सरुवा गरिएको छ ।

 

यस्तै, अछाममा कार्यरत डीएसपी पविन्द्र बमलाई सुदूरपश्चिम प्रदेश प्रहरी कार्यालय र इलाका प्रहरी कार्यालय दमकमा कार्यरत डीएसपी हरि बस्नेतलाई सर्वोच्च अदालतस्थित सुरक्षा कार्यालयमा सरुवा गरिएको छ । डीएसपीद्वय बम र बस्नेतलाई प्रहरी स्टाफ कलेजको तयारीका लागि कार्यबोझ कम भएको कार्यालयमा काज सरुवा गरिएको प्रहरी प्रधान कार्यालय स्रोतले जनाएको छ ।

धनकुटा खबर

धनकुटा खबर

( धनकुटा खबर डटकम धनकुटा जिल्लाकै पहिलो अनलाइन मिडिया हो । बिसं २०७३ सालबाट सुरु भइ सत्य,तथ्य र निष्पक्ष समाचार प्रकाशन गर्न धनकुटा खबर प्रतिबद्द छ ।)

More Posts - Website

Follow Me:Add me on XAdd me on FacebookAdd me on Instagram



धनकुटा खबर नेटवर्क सर्भिस प्रा. लि. पाख्रिबास-४,धनकुटा
सूचना विभाग दर्ता नं. : ५४६/०७४-७५
स्थायी लेखा नम्बर(PAN) : ६०४३५२३९६
कम्पनी दर्ता नम्बर : १५८५६१/०७३/०७४

हाम्रो टिम


प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई
धनकुटा संवाददाता : शर्मिला राई, विकास घिमिरे
इटहरी संवाददाता : निर्मला कार्की
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

संजालमा/सम्पर्क

Facebook
X
YouTube
Instagram
news.dhankutakhabar@gmail.com
✆ ९८६०८४५४७४,९७६४४५७४४४

© २०७३-२०८३ सर्वाधिकार धनकुटा खबर नेटवर्क सर्भिस प्रा. लि.मा सुरक्षित ।

✖