धनकुटाको आमहडताल अब पूर्ण रुपमा फिर्ता (विज्ञप्ती सहित)
धनकुटा खबर । प्रादेशिक राजधानी माग गर्र्दै धनकुटामा भईरहेको आम हडताल आजबाट पूर्ण रुपमा फिर्ता लिएको संघर्ष समितिले जानकारी दिएको छ ।
धनकुटालाई प्रदेश नं. १ को राजधानी बनाउ संघर्ष समितिले संयोजक सुन्दरबाबु श्रेष्ठको अध्यक्षतामा पत्रकार सम्मेलन गर्दै आम हडताल फिर्ता लिएको हो ।
समितिले सम्मेलनमा बिज्ञप्ती जारी गरेर आन्दोलनमा साथ दिने सम्पूर्ण धनकुटलीहरुलाई धन्यवाद दिंदै आन्दोलनका क्रममा घाईते भएकाहरुको शिघ्र स्वास्थ्य लाभको कामना गरेको छ ।
यद्यपी हडताल फिर्ता लिएर दैनिक १ घण्टा चक्का जाम गर्ने बिज्ञप्तीमा उल्लेख गरेको छ ।
गएको ३९ दिन देखि आन्दोलन निरन्तर चलिरहेको आन्दोलन र प्रशासनले लगाएको निशेज्ञा हटेपछि अहिले धनकुटाको जनजीवन सामान्य बन्दै गएको छ ।
