झापामा सुनकागती सफल
विकास घिमिरे, धनकुटा खबर । झापा, राष्ट्रिय सुन्तला जात अनुसनधान कार्यक्रम पारीपात्ले धनकुटाले तराई जिल्लाका लागि सिफारीस गरेको कागतीका २ जात व्यावसायीक रुपमा झापा सहित तराईका जिल्लामा सफल देखिएका छन् ।
बाह्रै महिना उत्पादन लिन सकिने कागतीका नयाँ दुई जात तराईको हावापानीमा व्यावसायिक उत्पादनका लागि सफल देखिएका हुन्न । व्यावसायीक रुपमा सुन कागती एक र दुई कागती खेति गरिरहेका झापाको बुद्धशान्ति गाउँपालिका तीन शीतलबस्तीका लेखनाथ सुवेदीले एक विगाह पाँच कट्ठा जमिनमा सुन कागती एक र दुई नामका कागतीका दुई जात लगाएका छन् ।
फलेका तीन सय बोटबाट सुवेदीले यसवर्ष करिब चार लाख ५० हजार दाना कागती उत्पादन गरे । उत्पादित कागती घरैबाट प्रतिगोटा तीन रुपैयाँमा बिक्री गरिरहेको सुवेदी बताउँछन् । एघार वर्षको अनुसन्धान पछि सिफारिस गरिएका सुन–कागती एक र दुई नामक जातको व्यावसायिक खेती विस्तार गर्न सके स्वदेशी कागतीको उत्पादन अवधि बढाएर आयात घटाउन सकिने देखिएको छ । धनकुटा स्थित राष्ट्रिय सुन्तलाजात कार्यक्रमले विकास गरेका यी जातबाट पूर्वि तराइको झापा देखि चितवनसम्मका किसानले ब्यबशायीक उत्पादन लिन थालेको राष्ट्रिय सुन्तला जात अनुसनधान कार्यक्रम पारीपात्ले धनकुटाले जनाएको छ ।
अहिले झापा, मोरङ्ग, सुनसरी, चितवन र नवलपरासी जिल्लाका किसानले ब्यबशायीक उत्पादन लिन थालेका छन् । रोपेको तीन वर्षदेखि व्यावसायिक उत्पादन लिन सकिने सुन कागती एक र दुई जातको खेती पानी नजम्ने आठसय मिटरसम्मको दोमट जमिनमा फस्टाउने राष्ट्रिय सुन्तला जात अनुसनधान कार्यक्रम पारीपात्ले धनकुटाका फलफूल विज्ञ उमेश आचार्यको भनाई छ ।
