घरघरमै पुगेर सामाजिक सूरक्षा भत्ता बितरण
धनकुटा खबर । अहिले आर्थिक वर्ष २०७६/७७ को पहिलो चौमासिकको सामाजिक सूरक्षा भत्ता वाँड्ने कार्य भईरहेको छ । जसअनुसार धनकुटाको पाख्रीवास नगरपालिकाको विभिन्न वडाहरुमा भत्ता वितरणको काम जारी छ ।
पाख्रीवास नगरपालिकाको ४ नं वडाले अति अशक्त तथा अपाङ्गताको घरघर मै पुगेर आर्थिक वर्ष २०७६/७७ को पहिलो चौमासिकको सामाजिक सूरक्षा भत्ता वितरण गर्न आजवाट शूरु गरेको छ । निरन्तरको वर्षातलाई समेत पर्वाह नगरी र्याङकोट ओढेरै स्वास्थ्यकर्मी र सूरक्षाकर्मी सहितको टोली सँग पूर्व उप-प्रधानपञ्च तथा वडाको सवैभन्दा जेष्ठ नागरिक ९८ वर्षका दिल वहादुर गुरुङ्गलाई सामाजिक सूरक्षा भत्ता वितरण गर्दै वडाले यो कामको आरम्भ गरेको हो ।
४ नं वडा कार्यलय परिवार,ईलाका प्रहरी कार्यलय पाख्रीवासका सई दिलिप चौधरी र नगर स्वास्थ्य संयोजक महम्मद स्माईलको टोलिले स्वास्थ्य जाँच गर्दै आधा केजी हर्लिक्स, फ्रुटी सहित सामाजिक सूरक्षा भत्ता समेत वितरण गरेको वडाध्यक्ष शोवित निरौलाले जानकारी दिनुभयो । यही कार्यक्रम अन्र्तगत भोलि पाख्रीवास भ्यूमा जेष्ठनागरिक सम्मान तथा सामाजिक सूरक्षा भत्ता वितरण कार्यक्रमको आयोजना गरि कार्यक्रममा आउन सक्नेहरुलाई भत्ता प्रदान गरिने र बाँकीलाई पून:घरघर मै गएर भत्ता उपलव्ध गराईने वडाले जनाएको छ ।
त्यस्तै गरी पाख्रीवासका अन्य वडाहरुमा पनि टोल टोलमा गएर र वडावाटै पनि सामाजिक सूरक्षाभत्ता वितरण भईरहेको छ । जसअनुसार ३ नं वडामा पनि पहिला मासिक २ हजार लिदै गरेकाहरुले ३ हजार र पहिला १ हजार लिदै गरेकाहरुले २ हजार सामाजिक सूरक्षा भत्ता वडा कार्यलयवाटै वितरण भईरहेको कार्यवाहक वडाध्यक्ष सरोज राईले वताउनुभयो ।
उता ८ नं वडामा पनि कतिपय स्थानमा टोल टोलमा पुगेर र कतिपयलाई वडा कार्यलयवाटै भत्ता उपलव्ध गराईरहेको नं ८ का वडाध्यक्ष सिताराम राईले वताउनुभयो । उता ५ नं वडामा पनि घर घर मै गएर भत्ता उपलव्धराईएको वडाध्यक्ष गोपाल थापाले जानकारी दिनुभयो ।
