पर्यटकलाई लक्षित गर्दै धनकुटाको कागतेमा ग्रीन पार्क निर्माण कार्य जारी
धनकुटा खबर । पर्यटकलाई लक्षित गर्दै धनकुटा ३ कागतेमा ग्रीन पार्क निर्माण कार्य जारी छ । यसअघि प्रदेश सरकारको १० लाख लागतमा पार्क निर्माण गर्न लागिएको ठाउँ परिपरी पर्खाल उठाउने, रेलिङ लगाउने, चौतारा निर्माण गर्ने सहितका काम गरिसकिएको छ ।
यो पार्कको लागि यस वर्ष प्रदेश सरकारले नै ३० लाख रकम विनियोजन गरेको धनकुटा नगरपालिका ३ का वडाध्यक्ष विकास घिमिरेले वताउनुभयो । उहाँका अनुसार शिल ढुंगा सामुदायीक वनको जग्गामा निर्माण शूरु गरिएको यो पार्कमा उल्लेखित रकम मार्फत यस वर्ष अन्य अन्य कामहरु गरिने छ ।
ग्रीन पार्कलाई शिलढुंगा पार्क सम्म जोड्ने योजना रहेको उहाँले वताउनुभयो । वडा नं ३ को ग्रीन पार्क देखी वडा नं ६ शिलढुंगा पार्क करिव २ सय मिटर दुरी टाढा रहेको छ । शिलढुंगा पार्कमा पनि यसअघि चौतारा वनाउने, शौचालय वनाउने लगायत २५ लाखको काम गरिसकिएको वडाध्यक्ष घिमिरेले जानकारी दिनुभयो ।
यो पार्कको लागि भने यस वर्ष १० लाख रुपयाँ छुट्याईएको छ । पर्यटकहरुको सेवालाई ध्यानमा राखेर यी दुई पार्क निर्माणको काम निरन्तरता दिदै वरिपरी वृक्ष रोपण समेत गर्दै यो वर्ष दुवै पार्कलाई जोड्ने पदमार्ग निर्माण गरिने ३ वडा कार्यलयले जनाएको छ ।
