प्रधानमन्त्री ओली निडर र राष्ट्रप्रेमी नेता : डा. कुन्दन अर्याल (भिडियो सहित)
काठमाडौं । प्रधानमन्त्री केपी शर्मा ओलीले केही दिन अघि निजी सचिवालयका सदस्य हटाउँदा प्रेस सल्लाहकार डा. कुन्दन अर्याल पनि बहिर्गमनमा परे । २१ महिना प्रधानमन्त्री ओलीको प्रेस सल्लाहकार रहका उनले सरकारको समीक्षा गरेका छन् ।
आफूलाई प्रेस सल्लाहकारबाट हटाएकोमा कुनै गुनासो नरहेको बताउने उनले प्रधानमन्त्री ओली निडर र राष्ट्रप्रेमी नेताको रुपमा चित्रण गरे । मुलुकको स्वाभिमानको रक्षादेखि जनताको चासो र आवश्यतालाई पूरा गर्न अग्रसर रहने प्रधानमन्त्रीको रुपमा ओलीलाई अघि सारेका उनले भारतले नाकाबन्दी लगाउँदा ओली दिल्ली पुगेर विरोध गरेको स्मरण गरे ।
वर्तमान सरकारले आम मानिस र मुलुकको आवश्यकता र दीर्घकालीन सकारात्मक प्रभावलाई ध्यानमा राखेर काम गरिरहेको बताएका उनले निर्मला पन्त प्र करणमा भने सरकार असफल जस्तो देखिएको बताए । यद्यपी यसमा पनि सरकार सफल हुने उनको दाबी छ । निर्मला पन्तको ब लात्कारपछि ह त्या भएको घ टनाका सम्बन्धमा अहिले पनि अनुसन्धान भइरहेकाले दो षी पत्ता लागेरै छाड्ने उनको भनाइ छ ।
विभिन्न राजनीतिक दलप्रति टिप्पणी गरेका प्रधानमन्त्री ओलीका पूर्व प्रेस सल्लाहकार डा. अर्यालले प्रमुख प्रतिपक्षी दल नेपाली कांग्रेसमा नेतृत्वको अभाव रहेको बताए । यस्तै नेत्रविक्रम चन्द विप्लव नेतृत्वको नेकपाले लिएको ब म र बा रुदको राजनीतिले मुलुकलाई फाइदा नदिने उनको विश्वास छ ।
प्रेस सल्लाहकार रहँदा र अहिले देखिएको मुलुकको राजनीतिक अवस्था र सरकारको मुल्यांकनलगायतका विषयमा क्यानाडानेपालका सन्तोष निरौलाले डा. अर्यालसँग लिएको हेर्नुहोस् यो भिडियो अन्तर्वार्ता
