आइजीपी खनालले यी तस्बिर सार्वजनिक गरेपछि
काठमाडौं । आइजीपी सर्वेन्द्र खनाल सामाजिक सञ्जालमा निकै कम सक्रिय छन् । उनले यसपटक एकै दिन दुईवटा तस्बिर फेसबुकमा राखे । तस्बिरमा बेन्चमा बसेका खनाल कालो चश्मा र सिभिल पोशाकमा छन् । उनको मुस्कुराइरहेको तस्बिरमा धेरैले प्रतिक्रिया जनाएका छन् । पछाडि विदेशी नम्बर प्लेटको गाडी पनि छ ।
खनालको यो तस्बिर चिलीको हो । उनी इन्टरपोलको सम्मेलनमा सहभागी हुन चिली जाँदा तस्बिर खिचाएका हुन् । खनाल अबको डेढ महिनापछि सेवानिवृत्त हुँदैछन् । सेवामा रहँदा आइजीपीहरु चर्चा र विवादमा आउने गरेजसतै उनका बारेमा पनि टिकाटिप्पणी भइरहेका छन् । आइजीपी खनालले अचानक तस्बिर राख्नुले धेरैको ध्यान खिचेको हो ।
