नेपालले हातपार्यो ६ स्वर्ण, यी खेलाडीले दिलाए स्वर्ण पदक (सूचि सहित)
काठमाडौं, १६ मंसिर । नेपालले दक्षिण एशियाली खेलकुद (साग) को दोस्रो दिन छ स्वर्ण पदक जितेको छ । मार्सल आर्टमा नेपालले उत्कृष्ट प्रदर्शन गर्दै पाँच स्वर्ण जित्दा ट्रायथलनमा एक स्वर्ण जितेको छ । तेक्वान्दोमा पुरुष पुम्सेको ५८ केजी तौल समूहमा गोविन्दबहादुर आलेले स्वर्ण जिते । एकलतर्फ कमल श्रेष्ठले स्वर्ण जिते ।
कराँतेमा मन्डेकाजीले देशलाई पहिलो स्वर्ण दिलाए । उनले काँतामा स्वर्ण दिलाएका हुन् । महिला टिम काँतामा निर्मला तामाङ, संगिता मगर र सरु कार्कीले स्वर्ण जिते । काँतामा महिला एकलतर्फ चञ्चला दनुवारले रजत जितेकी छिन् ।
कराँतेको टिम काँतामा मन्डेकाजी श्रेष्ठ, महशुश तामाङ र प्रवीण महर्जनले स्वर्ण दिलाएका हुन् । मन्डेकाजीले आजै कराँतेतर्फ दुई स्वर्ण जितिसकेका छन् । ट्रयथलनमा सोनिका गुरुङले स्वर्ण जितिन् । पोखरामा भएको ट्रायथलनमा उनले स्वर्ण जितेकी हुन् । स्वर्ण जित्नेहरु
तेक्वान्दो : गोविन्द आले पुम्सेको ५८ केजी । कमल श्रेष्ठ पुरुष एकल
कराँते : मन्डेकाजी श्रेष्ठ पुरुष काँता । निर्मला तामाङ, संगिता मगर र सरु काकी महिला टिम काँता, मन्डेकाजी श्रेष्ठ, महशुश तामाङ र प्रवीण महर्जन पुरुष टिम काँता
ट्रयथलन : सोनिका गुरुङ
त्यस्तै ट्रायथ्लनको पुरुष तर्फ नेपालले कास्य पदक हात पार्न सफल भएका छन् । प्रतियोगितामा भारतले स्वर्ण र रजत दुवै पदक जितेको हो । पुरुष तर्फको ट्रायथ्लनमा नेपालका लागि नितेश मानन्धरले कास्य जितेका हुन् । भारतका आर्दशमान सिनामोलले स्वर्ण र विश्वजीत सकिमले रजत पदक जितेका हुन् । ट्रायथ्लनमा साइक्लिङ, स्वीमिङ र म्याराथन खेल हुन्छन् ।
