धनकुटा र मोरङ फाइनलमा, फाइनल भोली
धनकुटा खबर, ६ माघ । धनकुटामा जारि सहिद रामकृष्ण श्रेष्ठ १ नं. प्रदेश स्तरीय महिला फुटवल प्रतियोगिताको फाइनलमा आयोजक धनकुटा र मोरङ प्रवेश गरेका छन् ।
धनकुटाको तल्लो टुडिखेलमा सोमवार सम्पन्न सेमिफाइनल खेलमा धनकुटाले ताप्लेजुङ र मोरङले झापालाई पराजित गर्दै फाइनलमा पुगेका हुन् । अव उपाधीको लागि मंगलवार धनकुटा र मोरङ वीच प्रतिस्पर्धा हुनेछ ।
पहिलो सेमिफाइनल खेलमा मोरङले झापालाई ट्राइब्रेकरमा २–१ गोलअन्तरले पराजित गरेको थियो । पहिलो खेलको वुमन अफदी म्याच मोरङकी गोलकिपर कल्पना क्षेत्री घोषित भइन् । उनले नगद तीन हजार सहित पदक र प्रमाण पत्र प्राप्त गरिन् त्यस्तै दोस्रो सेमिफाइनल खेलमा धनकुटाले ताप्लेजुङलाई १–० गोलअन्तरले पराजित गर्यो ।
धनकुटाको लागि एक मात्र निर्णायक गोल दोस्रो हाफमा सन्ध्या रम्तेलले गरेकी थिइन् । उनी खेलको वुमन अफदी म्याच घोषित हुँदै नगद तीन हजार सहित पदक र प्रमाण पत्र प्राप्त गरिन् । सहिद राम कृष्ण श्रेष्ठ स्मृती प्रतिष्ठानले आयोजना गरको प्रतियोगितामा प्रदेश नं. १ का ८ टिमको सहभागीता रहेको थियो ।
प्रतियोगिताको विजेताले नगद १ लाख सहित ट्रफि र उपविजेताले नगद ५० हजार सहित ट्रफि पाउनेछ ।
