चौबिसै घण्टा खानेपानी सेवा दिन आफै लागे धनकुटाका मेयर !
धनकुटा खबर । चौबिसै घण्टा खानेपानी सेवा दिने प्रतिवद्धता अनुसार लापारवाही भएकोले उक्त समस्या समाधान गर्न धनकुटा नगरपालिकाका मेयर आफै लागिपरेका छन् ।
नगरका मेयर चिन्तन तामाङको अध्यक्षतामा २६ सदस्यीय नयाँ कार्यसमिति गठन गरी अब धनकुटा बजारमा खानेपानी समस्या समाधान हुने जानकारी दिईएको छ ।
खानेपानी सरसफाई उपभोक्ता समितिे सोमबार एक पत्रकार सम्मेलन गरेर यस अघि खानेपानीमा भएका लापारवाहीलाई सुधारेर वितरणमा उच्च प्राथमिकता दिने प्रतिवद्धता जनाएको छ ।
पत्रकार सम्मेलनमा मेयर तामाङले खानेपानी उपभोगको अधिकार सुनिश्चित गर्न चुनौति मोलेर यो काममा लागिपरेको जानकारी दिनुभयो । दोस्रो साना सहरी खानेपानी आयोजना अन्तर्गत एशियाली बिकास बैंकका र उपभोक्ताहरुको २३ करोड लागतमा २०७० सालमा धनकुटामा लिफ्टिङ पद्दतीबाट खानेपानी आयोजना सम्पन्न गरिएको थियो ।
आयोजनाले घनकुटामा ५० बर्षका लागि धनकुटामा खानेपानीको समस्या समाधान हुने भन्दै २४ घण्टे पानीको आश्वासन दिईएको थियो । यद्यपी बिगत प्रारम्भिक समय देखि नै धनकुटा नगरपालिकामा खानेपानी वितरणमा प्राविधिक समस्याहरु देखापर्देआएका छन्
