धनकुटामा अपांगको कोटामा नेताका सपांग जागिरे !
धनकुटा खबर । धनकुटाको एक बिद्यालयमा अपांङ्ग शिक्षक कोटामा अनियमितता गरी सपाङ्ग आफन्तलाई जागिर खुवाएको भन्दै दृष्टिबिहिन जिल्ला कार्यसमितिले बिरोध जनाएको छ ।
सहिदभूमि गाउँपालिका वडा नं. ७ मा रहेको सिहदेवी मा.बि. साप्तिनटारमा रहेको बिद्यालयमा गाउँपालिकाकी उपाध्यक्षको नातेदारलाई जागिर खुवाईएको संघले जनाएको छ ।
उक्त स्थानमा कार्यरत एक दृष्टिबिहिन महिला शिक्षक स्थाई भई अन्यत्र गएपछि रिक्त रहेको पदमा नियुक्तिमा अनियमितता गरेको उनीहरुको आरोप छ ।
शिक्षा तथा मानव बिकास केन्द्रको परिपत्र अनुसार रिक्त पदमा दृष्टिबिहिनहरु बीचको प्र्रतिष्प्रधाबाट शिक्षक छनौछ गर्नुपर्ने भएपनि त्यको बिपरित गरिएको बिज्ञप्तीमा उल्लेख गरिएको छ ।
लकडाउनको अबस्थामा ३ पटक सम्म सार्वजनिक सूचना जारी गर्दापनि कुनै अपांगता भएको ब्यक्तिको दरखास्त नआएको हुंदा सपाङ्गलाई नियुक्ति दिईएको भन्ने बिद्यालयको व्यहोरा प्रति बिज्ञप्तीमा घोर भत्र्सना गरिएको छ ।
यस बिषयमा संघले गाउँपालिकामा ज्ञापन पत्र बुझाएप पनि कुनै सुनुवाई नगरेको संघका अध्यक्ष चन्द्रहाङ्ग लिम्बुद्वारा हस्ताक्षरित बिज्ञप्तिमा उल्लेख गरिएको छ । उक्त राहत कोटामा अपाङ्गता भएका व्यक्तिलाई नियुक्ति दिएर आफ्ना मागहरु पुरा नभए कानुनी बाटोमा जाने उनीहरुले चेतावनी दिएका छन् ।
