बिद्युत प्राधिकरणको काम प्रति नागरिक समाज धनकुटाको चेतावनी
धनकुटा खबर । पर्याप्त बिद्युत भएपनि खराब बितरणका कारण जनजीवनमा प्रभावित भएको भन्दै नागरिक समाज धनकुटाले बिद्युत प्राधिकरण धनकुटालाई ज्ञापन–पत्र बुझाएको छ ।
निरन्तर बिद्युत उपलब्ध नगराए प्राधिकरण बिरुद्ध कडा अभियान चाल्ने चेतावनी दिदै समाजले प्राधिकरणलाई ध्यानाकर्षण गराएको हो । कोरोनाले आ,क्रान्त बनाएको बेला बिद्युत खपतको अधिक आवश्यक रहेको बेला खराव बिद्युत बितरणले जनतालाई आघात परेको समाजको ठहर छ ।
प्राधिकरणको लापारवाहीका कारण बत्ति नआउने र आएपनि बारम्बार गईरहने कारणबाट जिल्लाको काम कारवाहीमा असर परेको ज्ञापन–पत्रमा उल्लेख छ । लकडाउनका कारण जुम मिटिङ, भर्चुअल मिटिङ, अनलाईन कक्षा, टेलिभिजन तथा रेडियो कक्षा लगाएतका गतिबिधिहरु प्रभावित भएको उल्लेख गरिएको छ ।
नेपाल बिद्युत प्राधिकरण केन्द्रिय कार्यालय,जिल्ला प्रशासन र पत्रकार महासंघलाई बोधार्थ गराउँदै समाजका अध्यक्ष सुन्दरबाबु श्रेष्ठको नेतृत्वमा ज्ञापन–पत्र बुझाईएको छ ।
