लागुऔषध सहित १ जना प,क्राउ
मोरङ, ६ गते । मोरङको मिक्लाजुङ गाउँपालिका ६ बाट नियन्त्रित लागुऔषध ब्राउन सुगर सहित १ जना प,क्राउ परेका छन । बिशेष सुचनाको आधारमा इलाका प्रहरी कार्यालय उर्लावारीबाट खटिएको प्रहरी टोलीले मिक्लाजुङ-६ का २६ बर्षिय बिक्रम लावतीको घर कोठा खानतलासी गर्दा १५ ग्राम ५० मिलिग्राम नियन्त्रित लागुऔषध ब्राउन सुगर फेला परेको हो । प,क्राउ परेका लावतिलाई नापतौल गर्ने यन्त्र १ थान, को.३२प ७६०२ नम्वरको मोटरसाईकल १ थान, मोवायल १ थान, नगद ५ हजार २५ रुपैया सहित नियन्त्रणमा लिई इलाका प्रहरी कार्यालय उर्लावारीबाट थप अनुसन्धान भईरहको छ ।
यो पनि पढ्नुहोस्…काठमाण्डौँ । प्रधानमन्त्री शेरबहादुर देउवाले तत्कालै एमसीसी पास गराउँको लागी निकै जोडबल लगाइरहेका छन् तर उनले भने जति सजिलो सँग एमसीसी पास हुने छाँटकाँट देखिएको छैन ।सरकारको नेतत्व गरिरहेको दल नेपाली काग्रेसमा एमसीसी पास गराउँनु पर्छ भन्नेमा एकमत रहेको छ । सत्तागठबन्धनकै अन्य दल र प्रमुख प्रतिपक्ष दल नेकपा एमालेले ठोस निर्णय लिन नसक्दा प्रधानमन्त्री देउवा अप्ठेरोमा पर्दै गएका छन् । एमससीसीको पक्षमा माहोल बनाउँन देउवाले नयाँ रणनिती बनाउँन थालेका छन् ।
नेपाली काग्रेसको १४ औँ महाधिवेशन बाट फेरी पनि सभापतीमा निर्वाचित भएर आए पछि प्रधमानमन्त्रीको हैसियतमा देउवाले एमसीसीकै बिषयलाई प्रमुख एजेण्डा बनाएर सर्वदलीय बैठकनै आयोजना गरे तर वैठकमा काग्रेस एक्लीएको छ । देउवालाई साथ दिने बवुरो बावुराम भट्टराई भन्दा अरु कोहि नदेखिएको बताइएको छ ।सुरु देखिनै एमसीसीको समर्थक रहेका तर सार्वजनिक रुपमा आँट गरेर बोल्न डराइरहेका नेपाली काग्रेसका नवनिर्वाचित महामन्त्री गगन थापालाई पनि देउवाले शिर्ष नेता सहभागी सर्वदलीय बैठकमा बोलाएका थिए । काग्रेस महामन्त्री हुने वित्तिकै सर्वदलीय बैठकमा देउवाले गगनलाई बोलाउँनुलाई निकै अर्थपुर्ण रुपमा हेरिएको छ ।
बालुवाटार निकट स्रोतका अनुसार सुरुमा सर्वदलीय बैठकमा सहभागी हुने नेताहरुको लिष्टमा गगन थापाको नाम थिएन पछि प्रधानमन्त्री देउवालेनै फोन गरेर बैठकमा बोलाएका थिए । एमसीसीको विषयमा छलफल हुने बैठकमा गगनलाई आफँै फोन गरेर बोलाएर देउवाले अर्थपुर्ण सन्देश दिएका छन् । गगन थापाको लोकप्रियतालाई एमसीसीको पक्षमा प्रयोग गर्ने रणनितीमा देउवा रहेको बताइएको छ ।काग्रेस उपसभापती पुर्णबहादुर खड्का , धनराज गुरुङ र अर्का महामन्त्री विश्वप्रकाश शर्मालाई नबोलाएर देउवाले गगनलाई बोलाएका थिए । प्रधानमन्त्री देउवाको चाहना गगन थापाले एमसीसीको पक्षमा क्याम्पेनिङ गरिदिउँन र माहोल बनाइदिउँन भन्ने रहेको उनी निकट स्रोतले जानकारी दिएको छ । बैठकमा थापा खासै केहि नबोले पनि एमसीसी पास गर्नु पर्छ भनेर काग्रेस नेताहरुले अडान राख्दा मौन बसेर स्विकृती जनाएको बैठकमा सहभागी नेमकिपाका नेता प्रेम सुवालले जानकारी दिएका छन् ।
सर्वदलीय बैठकमा देउवाले काग्रेसबाट छानीछानी एमसीसीको समर्थक नेताहरुलाई बोलाएका थिए । गगन थापा मात्रै होइन त्यस दिन डा रामशरण महत पनि निम्ताइएका थिए । काग्रेस भित्र एमसीसीका कट्टर समर्थक रहेका महतले एमसीसीका बारेमा बाहिर आएका कुराहरु सबै भ्रम हुन् भनेर प्रवचन दिएको बताइएको छ ।गगन थापाले अहिले सम्म एमसीसीको पक्षमा खुलेर बोल्न नसके पनि म पनि एमसीसीको पक्षधर हुँ भन्ने संकेत पटक पटक गरिसकेका छन् । पब्लीक सेन्टीमेन्टलाई क्याच गरेरनै नेता बनेका थापा अहिले सम्म खुलेर बोल्न आँट नगरे पनि उनी एमसीसीका खास समर्थक हुन् भन्ने कुरा अब लकाएर नलुक्ने अवस्थामा पुगेको छ ।
