भ्वाइस अफ किड्सकी पेमाको “गरिबको फाटेको चोली”
धनकुटा । भ्वाइस अफ किड्सकी प्रतिभाशाली प्रतियोगि दार्जिलिंगकी पेमा दिछिन तामांगको स्वरमा रहेको “गरिबको फाटेको चोली” बोलको गीतको सार्बजनिक भएको छ ।
अनम उपेक्षितको शब्द रचना र नविन संघर्षको संगीतमा रहेको उक्त गीत स्टुडियो किंगको अफिसियल युट्युब च्यानल मार्फत सार्बजनिक गरिएको हो ।
थोरै समयमा दर्शकको अपार माया बटुल्न सफल उक्त गीतलाई एरेन्ज,मिक्सिंग र मास्टरिंग राजु कार्कीले गरेका छन् ।
सुरेश राई र मनोज सांग्सोन राईले स्टुडियो किंगमा रेकर्ड गरेको यस गीत प्रोडुसर सुनिता राई रहेका छन् भने गीतको भिडियो जस्केलो क्रियशनले तयार गरेको छ ।
मनाङमा जनसङ्ख्याभन्दा बढी मतदाता
मनाङ, १३ माघ (रासस) : केन्द्रीय तथ्याङ्क विभागले सार्वजनिक गरेको प्रारम्भिक विवरणअनुसार हिमाली जिल्ला मनाङको जनसङ्ख्या सबैभन्दा कम छ । विभागको प्रारम्भिक विवरणअनुसार यहाँको जनसङ्ख्या पाँच हजार ६४५ छ । अहिले सार्वजनिक भएको तथ्याङ्क विसं २०७४ को मतदाताको सङ्ख्याभन्दा कम देखिएको हो ।
विसं २०६८ को जनगणनामा यहाँ पाँच हजार ९०० जनसङ्ख्या थियो भने विसं २०७४को जनसङ्ख्याभन्दा अहिलेको सङ्ख्या २५५ ले घटेको देखिएको छ । उक्त तथ्याङ्कअनुसार जिल्लाको जनसङ्ख्याभन्दा मतदाता सङ्ख्या भने बढी देखिएको छ । विसं २०७७ चैतसम्म १८ वर्ष पूरा भएका मतदाता सङ्ख्या ६ हजार ३०९ रहेको थियो भने चालू आर्थिक वर्षको साउनदेखि कात्तिकसम्म ६ हजार ६१२ मतदाता थपिएका छन् ।
अहिले सार्वजनिक भएको जनसङ्ख्या भन्दा ९६७ सङ्ख्याले मतदाता बढी रहेको देखिएको छ । मतदाता सङ्ख्याभन्दा जनसङ्ख्या कम भएपछि गणक, पर्यवेक्षक तथा निर्वाचन आयोगले सङ्कलन गरेकामध्ये कुन चाहीँ तथ्याङ्क सही भनेर पहिचान गर्न मुस्किल भएको छ । जनगणना अनुसार नार्पाभूिम गाउँपालिकामा ४४२ अर्थात सबैभन्दा कम जनसङ्ख्या रहेको छ ।
प्रारम्भिक जनगणना पहिलो चरणमा गत भदौ ३० देखि असोज १८सम्म र दोस्रो चरणमा गत कात्तिक २५ देखि मङ्सिर ९ गतेसम्म भएको थियो ।
