नेपाली कांग्रेस प्रदेशसभा (ख) क्षेत्रिय कार्य समितिको कोषाध्यक्षमा भट्टराई नियुक्त
धनकुटा । नेपाली कांग्रेस प्रदेशसभा (ख) क्षेत्रिय कार्य समितिको बैठकले समितिको कोषध्यक्षमा टंक भट्टराईलाई नियुक्त गरेको छ ।
प्रदेश सभा (ख) क्षेत्रिय कार्य समिति धनकुटाका सभापति राजन पौडेलको सभापतित्वमा आज धनकुटामा बसेको बैठकले भट्टराईलाई कोषाध्यक्षमा नियुक्त गरेको हो ।
त्यस्तैगरी गत श्रावण २८ गते बसेको बैठकबाट गठित समितिले बनाएको बैठक सञ्चालन कार्यविधि संशोधन सहित पारित गर्ने,प्रदेश र प्रतिनीधिसभा निर्वाचनका लागि उम्मेद्धारको चाँडै टुंगो लगाई जिल्लामा सिफरिस गर्ने लगायतको निर्णय गरिएको सचिव दिलराज घिसिङले जानकारी दिनुभयो ।
बैठकमा नेपाली कांग्रेस प्रदेशसभा (ख) क्षेत्रिय कार्य समितिका पदाधिकारी तथा सदस्य एवम् नगर सभापतिहरुको उपस्थिती थियो । बैठकमा आउदो मंशिर ४ गते हुन लागेको प्रदेश र प्रतिनीधिसभा निर्वाचनको तयारी लगायतको बारेमा छलफल भएको थियो ।
