भोलिबाट सुरु हुंदै सहिद भिमनारायण गोल्डकप फुटवल प्रतियोगिता
धनकुटा,२६ बैशाख । धनकुटा सदरमुकामको तल्लो टुडिखेलमा सहिद भिमनारायण स्मृति प्रतिष्ठानले आयोजना गरेको १५ औं सहिद भीमनारायण गोल्डकप फुटवल प्रतियोगिताको तयारी पुरा भएको आयोजकले जनाएको छ ।
भोलिबाट हुने खेलको तयारी पुरा भएको र भोलीको उत्घाटन खेल दिउँसो आयोजक धनकुटा र पेमा यूवा क्लब विच हुने प्रचारप्रसार समिति संयोजक विदुर खवासले जानकारी दिनुभयो ।
प्रतियोगितामा आयोजक टिम सहित पेमा युवा क्लव विराटनगर ,प्लानिङ ब्वाईज क्लब काठमाण्डौ,कञ्चनजंगा फुटवल क्लव सिलगुडी भारत, राष्ट्रिय जागृती फुटवल क्लव सुनसरी, झापा फुटवल क्लव झापा,एपिएफ काठमाण्डौ र विरगञ्ज युनार्यटेड विरगञ्ज गरि आठ टिमको सहभागिता रहने जनाइएको छ । यस पटकको विजेताले ५ लाख र उप विजेताले २ लाख ५० हजार पाउँने गोल्डकप आयोजक समितिले जनाएको छ ।
