एक महिनाका लागि मासु खान छोड्दा शरीरमा कस्तो असर पर्छ ?
मांसाहारीका लागि कुखुरा र खसीको मासु छोड्नु भनेको मुश्किलको काम हो । तर तपाईंले एक महिनाका लागि मांसाहारी खाना छोड्नु भयो भने यसले शरीरमा कस्तो प्रभाव पार्ला त ?
भारतको हैदराबादको केयर अस्पतालमा वरिष्ठ सल्लाहकार डाक्टर अथर पासाले एक भारतीय वेबसाइटसँगको कुराकानीमा शाकाहारी खाना खाँदा शरीरलाई थुप्रै फाइदा मिल्ने बताएका छन् । उनका अनुसार शाकाहारी खानमा धेरै फाइबर हुन्छ जसले तपाईंको पाचन तन्त्रलाई बलियो बनाउँछ र पेटका थुप्रै रोगबाट जोगाउँछ । पेट राम्रो भयो भने तपाईंको समग्र स्वास्थ्य राम्रो हुन्छ ।
वर्ल्ड इकोनोमी फोरमका अनुसार पछिल्ला केही वर्षमा विशेषगरी अमेरिका र युरोपमा शाकाहारीको चलन क्रमशः बढ्दै गइरहेको छ ।
उजाला सिग्नस ग्रुप अफ हस्पिटल्सकी पोषणविद् डा. एकता सिंहवालले पछिल्लो समय धेरैजसो मांसाहारी शाकाहारी हुँदै गएको बताएकी छिन् । यसको पछाडि वातावरणसँग सम्बन्धित चिन्तादेखि स्वास्थ्यलाई हुने लाभ र शाकाहारी खानाको बढ्दो उपलब्धता पनि समावेश छ ।
मासु खान छोड्नुका थुप्रै फाइदा छन् । शाकाहारी खानाले मुटुरोग, उच्च रक्तचाप, टाइट टु मधुमेह र केही प्रकारका क्यान्सरजस्ता रोगको जोखिम कम हुन्छ । यसबाहेक आफ्नो खानामा विभिन्न प्रकारको प्लान्ट बेस्ड फुड्स समावेश गरेर तपाईं मांसाहारी खानामा निर्भर नभईकन आफ्नो पोषण सम्बन्धी आवश्यकता पूरा गरिरहनुभएको छ भनेर सुनिश्चित गर्न सक्नुहुन्छ ।
तपाईंले एक महिनाका लागि मांसाहारी भोजन खान बन्द गर्नुहुन्छ भने तपाईंको शरीरमा तुरुन्त पाँच परिवर्तन देखिनेछ ।
कब्जियतबाट छुटकारा
एकता सिंहवालका अनुसार शाकाहारी खानामा फाइबर भएका कारण यसले बाउल मुभमेन्ट अर्थात् तपाईंको पाचन तन्त्र राम्रो हुन्छ । फाइबरको सेवन बढ्दा कब्जियतबाट राहत मिल्छ ।
तौल घट्नेछ
शाकाहारी खानाले तौल घटाउन मद्दत गर्छ किनभने यसमा मांसाहारी खानाको तुलनामा कम क्यालोरी हुन्छ र फाइबर बढी हुने भएकोले बारम्बार भोक लाग्दैन । क्यालोरी कम भएका कारण तौल पनि नियन्त्रणमा रहन्छ ।
सुजनबाट राहत
प्रशोधित मासु शरीरमा सुजनको कारण बन्न सक्छ । मासु कम खाँदा तपाईंको सिस्टमेटिक इन्फ्लेमेसन कम हुन्छ जुन थुप्रै क्रोनिक रोगको कारण हो ।
एन्टिअक्सिडेन्टले भरपुर
एन्टिअक्सिडेन्टले भरपुर शाकाहारी खानाले शरीरमा अक्सिडेटिभ स्ट्रेस र सेलुलर ड्यामेजबाट जोगाउन मद्दत गर्छ ।
‘फलफूल, सागसब्जी, नट्स वा बिउमा एन्टिअक्सिडेन्टको भरपुर मात्रा हुन्छ । यसले समग्र स्वास्थ्य राम्रो हुनेछ र क्रोनिक रोगको जोखिम कम हुन्छ ।
ऊर्जा मिल्नेछ
शाकाहारी खानाले भिटामिन, खनिज र कम्प्लेक्स कार्बोहाइड्रेट प्रदान गर्छ जसका कारण तपाईं ऊर्जावान् रहनुहुन्छ ।
