महिला विश्वकप फुटबल : स्पेनले जाम्बियालाई ५ गाेलले हरायाे
काठमाण्डाै – फिफा महिला विश्वकप फुटबल २०२३ मा स्पेनले जाम्बियालाई फराकिलाे अन्तरले हराएकाे छ ।
आज बुधवार न्युजिल्यान्डकाे इडेन पार्कमा भएकाे खेलमा स्पेनले जाम्बियालाई ५–० गाेलले हरायाे । स्पेनका लागि जेनिफर हर्माेसाे र अल्बा रेडाेन्डाेले २ तथा टेरेसा अबेलेरियाले १ गाेल गरिन् । स्पेन २ खेलमा ६ अङ्कसहित समूह ‘सी’ काे शीर्ष स्थानमा छ । जाम्बिया उति नै खेलमा अङ्कविहीन हुँदै पुछारमा छ ।
महिला विश्वकप फुटबलमा आजै भएकाे खेलमा जापानले काेस्टारिकालाई २–० गाेलले हराएकाे छ । आजै बेलुकी पाैने ६ बजे क्यानडा र आयरल्यान्ड खेल्दैछन् ।
आउँदो अगस्ट २० तारिखसम्म हुने विश्वकपमा ३२ टोलीको सहभागिता रहेको छ । फाइनल खेल सिड्नीमा रहेको स्टेडियम अस्ट्रेलियामा हुनेछ ।
