हामीले प्रचण्डकी जय, गठबन्धनकी जय भनेर बस्नुपर्ने हो ?: गोकुल बास्कोटा
काठमाडौं । नेकपा एमालेका सांसद गोकुल बास्कोटाले सुन प्रकरणमा छानबिन समिति गठनको लागि सरकारले भोलिसम्मको समय मागेको बताएका छन् ।
संसद भवन बाहिर सञ्चारकर्मीहरुसँग कुरा गर्दै उनले छानबिन समिति गठन गरेपछि आवश्यक कारवाही गर्नुपर्ने बताए ।
उनले भने, ‘सरकारले अविलम्ब त्यो विषयलाई गम्भिरतापूर्वक छानविन गर्नुपर्छ। त्यसबारे दोषी पत्ता लगाएर कारवाही गर्ने काम गर्नुपर्यो । खाली स्टण्टबाजी देखाएर यो गर्छु र त्यो गर्छु भन्ने यो फाइल खुल्छ त्यो फाइल खुल्छ भन्नुको अर्थ हुँदैन । पहिला खुलेका फाइलको टुंगो लगाउँन बाँकी अरु खोल्दै जाँउला ।’
प्रहरीले छानबिन गरिरहेको बेलामा फेरि तपाईंहरुले किन अर्को समिति गठनको माग गर्नुभयो? भन्ने प्रश्नमा उनले भने, ‘यो अपराध भो । त्यसो भए हामी हात बाँधेर बस्नु त ? केही नगरौं होइन त ? प्रचण्डजीकी जय भनेर बसौं हामी हो ? अनि गठबन्धनकी जय भनौं ?’
