सुनील शर्माको पक्षमा एमाले, सदनमा प्रश्न : भ्रष्टाचार विरोधीलाई किन समातियो ?
काठमाडौं । सत्तारूढ दल नेपाली कांग्रेसका सांसद डा. सुनील शर्माको बचाउमा प्रमुख प्रतिपक्षी दल नेकपा (एमाले) उत्रिएको छ ।
शुक्रबारको प्रतिनिधिसभा बैठकको आकस्मिक समयमा बोल्दै एमाले सांसद ज्वाला कुमारी शाहले शर्मालाई किन पक्राउ गरेको भन्दै प्रश्न गरिन् ।
“पटक पटक उच्चस्तरीय छानबिन बनाउन माग गर्ने सांसदलाई आज कुन हिसाबबाट समातिएको छ ? कानुनले पनि मिल्दैन । उहिले नै म्याद सकिएको प्रमाणपत्रलाई अहिले बखेडा झिकेर समातिएको छ, यसको घोर आपत्ति गर्न चाहन्छु,” उनले भनिन् ।
