धनकुटाका अंकित थापा अनेरास्ववियु कोशी प्रदेशको उपाध्यक्ष चयन
धनकुटा । नेकपा एमालेनिकट अनेरास्ववियुको कोशी प्रदेश
का दुई उपाध्यक्ष मध्ये धनकुटाका अंकित थापा चयन भएका छन् भने अर्का उपाध्यक्षमा झापाका नारायण पोख्रेल चयन भएका छन् ।
त्यसैगरि अध्यक्षमा सुनसरीका जिबी गजल सर्वसम्मत चयन भएका छन् भने सचिवमा मोरङका सन्तोष घिमिरे चयन भएका छन् ।
शुक्रवार विराटनगरमा शुरु भएको अधिवेशनले विद्यार्थी नेता गजललाई अध्यक्षमा निर्विरोध निर्वाचित गरेको केन्द्रीय कमिटी सचिव आरती भट्टराईले जानकारी दिइन् ।
कमिटीमा सहसचिवमा उदयपुरका प्रवेश ठकुरी,इलामा पारस राई,झापाकी लक्ष्मी न्यौपाने,तेह्रथुमकी रन्जना घतानी र कोषध्यक्षमा नवराज घिमिरे चयन भएका छन् ।
