तिलेश्वर माध्यमिक विद्यालयमा रायमाझी परिवारले गर्यो १० लाख रुपैँयाको अक्षयकोष स्थापना
धनकुटा,१० मंसिर । धनकुटाको छथर जोरपाटी गाउँपालिका वडा नम्बरमा ४ रहेको तिलेश्वर माध्यमिक विद्यालयको ७२ औं बार्षिक उत्सवकार्यक्रमा साविक तेलिया गाविस वडा न २ निवासी हाल सुनबर्सी नगरपालिका १ मोरङ निवासी टेकेन्द्र कुमार रायमाझी, छत्र बहादुर रायमाझी , केशव बहादुर रायामाझी , तिर्थ बहादुर रायमाझी , प्रदिप रायमाझी र महेश रायामाझीले आफ्ना बुवा तुलसी बहादुर रायामाझी र आमा गोकुल कुमारी रायमाझीको नाममा तुलसी बहादुर तथा गोकुल कुमारी रायमाझी स्मृति अक्षयकोष स्थापना गर्नु भएको छ ।
विद्यालयको शैक्षिक क्षेत्र सुधारका लागि रायमाझी परिवारले दस लाख रुपैयाँको अक्षय कोष स्थापना गर्नु भएको हो ।
बार्षिक उत्सव तथा अभिभावक दिवसको अवसरमा छथर जोरपाटी गाउँपालिका वडा नम्बरमा ४ का वडा अध्यक्ष टेक बहादुर तामाङ्ग विद्यालयका प्रध्यानाध्यापक कुल बहादुर अधिकारी लगायत अभिभावकको उपस्थितीमा अक्षयकोषका लागि रायमाझी परिवारले चेक हस्तान्तरण गर्नु भएको थियो ।
