झापाको दमकमा जुवा खेलिरहेको अवस्थामा ७ जना पक्राउ
झापा, माघ १४ गते । झापाको दमक नगरपालिका-१० स्थितबाट जुवा खेलिरहेको अवस्थामा ७ जनालाई प्रहरीले पक्राउ गरेको छ ।
माघ १३ गते दमक-१० सेतुमारी स्थित खेतमा रहेको गोठमा जुवा जन्य खेल भईरहेको छ भन्ने विशेष सुचनाको आधारमा इलाका प्रहरी कार्यालय दमकबाट खटिएको प्रहरी टोलीले जुवा खालबाट १६ थान कौडा र नगद १ लाख ७६ हजार ४ सय ९० रुपैया सहित मोरङ उर्लाबारी नगरपालिका-९ का ४९ बर्षीय हरी बहादुर दर्जी, ४६ बर्षीय मित्र बहादुर मोक्तान, ३७ बर्षीय कुमार राई, उर्लाबारी-८ का ३५ बर्षीय नारथ लिम्बु, झापा दमक नगरपालिका-१० का ३८ बर्षीय बिकाश राई, ४५ बर्षीय घनश्याम खनाल र काठमाण्डौं महानगरपालिका-३४ का ३९ बर्षीय रिजल लामालाई पक्राउ गरेको छ ।
पक्राउ परेका उनिहरुको जिल्ला प्रशासन कार्यालय झापाबाट जुवा सम्वन्धि कसुरमा म्याद थप गरी आवश्यक कानूनि कारवाही तथा अनुसन्धान भईरहेको छ ।
