झापाबाट लागुऔषध सहित ६ जना पक्राउ
झापा, माघ २८ गते । झापा जिल्लाको बिभिन्न स्थानहरुबाट लागुऔषध सहित ६ जनालाई प्रहरीले पक्राउ गरेको छ ।
माघ २७ गते झापाको हल्दीबारी गाउँपालिका-३ स्थितमा प्रहरी चौकी जलथलबाट खटिएको प्रहरी टोलीले लागुऔषध बेचबिखन तथा ओसार पसारमा संलग्न रहेका हल्दीबारी गाउँपालिका-२ का २२ बर्षीय आषिश हेमरन, २३ बर्षीय रवी महतो, ३१ बर्षीय सुजन राईलाई ब्राउन सुगर ४८० मिलिग्राम र बा. ४७ प ९८१४ नम्बरको मोटरसाईकल सहित नियन्त्रणमा लिएको हो ।
त्यसैगरी इलाका प्रहरी कार्यालय दमकको प्रहरी टोलीले दमक नगरपालिका-६ बाट ईलाम चुलाचुली घर भई हाल दमक-५ स्थित बस्दै आएका २५ बर्षीय रोहित राई र दमक-७ का ३० बर्षीय राजेश राईलाई ट्रामाडोल र स्पास्पेन गरी जम्मा १५० चक्की र दमक-८ का २५ बर्षीय प्रतिक श्रेष्ठलाई ट्रामाडोल, स्पास्मो र स्पास्पेन गरी जम्मा २२० चक्की सहित सोहि स्थानबाट पक्राउ गरेको हो ।
पक्राउ परेका उनिहरुको थप अनुसन्धान भइरहेको छ ।
