धनकुटामा हावाहुरीबाट २५ लाख बढीको क्षति
धनकुटा । धनकुटामा गत चैत २ गते आएको हावाहुरीबाट करिब २५ लाख भन्दा धेरैको क्षति भएको छ ।
हावाहुरीका कारण दुई सरकारी कार्यालय, एक विद्यालय र ९ ब्यक्तिको घरहरुमा क्षति पुगेको जिल्ला प्रहरी कार्यालय धनकुटाले जनाएको छ ।
जसअनुसार सरकारी कार्यालय अन्तर्गत आयुर्वेद र उच्च सरकारी वकिलको कार्यालयमा करिब १५ लाख ५० हजार रुपैया बराबरको क्षति पुगेको छ ।
त्यसैगरि बिद्यालय अन्तर्गत निजामती आवासिय विद्यालयमा करिब ४ लाखको क्षति पुगेको छ भने ९ व्यक्तिको घरमा करिब ५ लाख ५५ हजार गरि जम्मा २५ लाख ५ हजार रुपैया बराबरको क्षति भएको प्रहरीले जनाएको छ ।
