विजय वाम्बुले राईको ‘मेरो खुशी’ सार्वजनिक
हिराराज राई, धनकुटा । युवा गायक, संगीतकार तथा गीतकार विजय वाम्बुले राईको नयाँ आधुनिक तथा रोमान्टिक गीत ‘मेरो खुशी’ सार्वजनिक भएको छ।
गीतमा शब्द तथा संगीत विजय वाम्बुले राईको रहेको छ। भारतको दार्जिलिङ मिरिककी प्रतिभाशाली गायिका सुरक्षा सेन्चुरीले स्वर दिएकी छीन्। उनी नेपालको चर्चित रियालिटी शो The Voice of Nepal को सिजन ३ मा नकआउट चरणसम्म पुगेकी थिइन। साथै धरान-११ निवासी गायक भक्त राज कालिकोटेको स्वर रहेको छ, हाल मलेसियामा कार्यरत छन्।
गीतको एरेन्ज, मिक्सिङ तथा मास्टरिङ राजु कार्कीले गरेका हुन्। गीतलाई R Studio Kurseong India, RF Studio Malaysia र King Studio KTM गरी तीन फरक स्टुडियोमा रेकर्ड गरिएको छ।
रेलैको इन्जिन, तिम्रै लाग्छ माया, किराँती हामी र ख्याल ठट्टा पाराले लगायतका गीतमार्फत दर्शक तथा स्रोतामाझ लोकप्रिय बनेका विजय वाम्बुले राईले ‘मेरो खुशी’ मार्फत फेरि एकपटक आफ्नो सांगीतिक प्रतिभा प्रस्तुत गरेका छन्। गीतमा प्रेम, भावना र आत्मीयतालाई आधुनिक संगीत शैलीमा आकर्षक ढंगले प्रस्तुत गरिएको छ।
सार्वजनिक भएसँगै गीतले दर्शक तथा संगीतप्रेमीबाट सकारात्मक प्रतिक्रिया पाइरहेको छ, भने गीतलाई BRKProductionmusic YouTube च्यानल मार्फत दर्शकमाझ सार्वजनिक गरिएको हो।
