रास्वपाको ३६ जिल्लामा आज अधिवेसन सुरू (जिल्ला सुचीसहित)
काठमाडौं, २३ जेठ । राष्ट्रिय स्वतन्त्र पार्टीको आज ३६ जिल्लामा जिल्ला अधिवेसन सुरू भएको छ ।
आज हुने जिल्ला अधिवेसनवाट नयाँ नेतृत्व चयन हुनेछ, जसले आसान्न स्थानिय चुनाव र प्रदेश चुनावको तयारीमा लाग्नेछ ।
आज ३६ र भोली २९ जिल्लामा जिल्ला अधिवेसन हुने महामन्त्री कबिन्द्र बुर्लाकोटीले जानकारी दिएका छन ।
जसअनुसार कोशी प्रदेशका ८ जिल्लाहरू झापा, मोरङ, तेह्रथुम, ताप्लेजुङ, भोजपुर, सङ्खुवासभा, ओखलढुङ्गा र सुनसरीमा अधिवेसन सुरू भएको छ ।
मधेशका २ जिल्ला महोत्तरी र रौतहटमा अधिवेसन हुनेछ भने बागमती प्रदेशका ८ जिल्लाहरू दोलखा, काठमाडौँ, भक्तपुर, नुवाकोट, मकवानपुर, काभ्रे सिन्धुपाल्चोक र सिन्धुलीमा अधिवेसन सुरू भएको छ ।
उता, गण्डकी प्रदेशका ५ जिल्लाहरू स्याङ्जा, कास्की, पर्वत, बागलुङ र म्याग्दीमा आज अधिवेशन हुनेछन भने लुम्बिनी प्रदेशका ८ जिल्ला गुल्मी, नवलपरासी, पाल्पा, कपिलवस्तु, दाङ, बाँके, बर्दिया र रोल्पामा अधिवेसन सुरू भएको छ ।
यसैगरी, कर्णाली प्रदेशका २ जिल्ला कालिकोट र सल्यान तथा सुदूरपश्चिम प्रदेशका ३ जिल्ला बैतडी, बझाङ र दार्चुलामा पनि आजै अधिवेशन हुने महामन्त्री बुर्लाकोटीले जानकारी दिए ।
