श्रम संस्कृति पार्टीको विरोधपछि प्रतिनिधिसभा बैठक १५ मिनेटका लागि स्थगित
काठमाडौँ, असार ३ गते। श्रम संस्कृति पार्टी को विरोधका कारण प्रतिनिधिसभा बैठक १५ मिनेटका लागि स्थगित भएको छ।
मंगलबार बसेको प्रतिनिधिसभा बैठकमा मन्त्रीहरूले दिएको जवाफ चित्तबुझ्दो नभएको भन्दै सो पार्टीका सांसद हर्क साम्पाङ लगायतले विरोधस्वरूप संसद्को वेल घेराउ गरेका हुन्।
सभामुख डीपी अर्याल ले बैठक सञ्चालनका लागि पटक–पटक आग्रह गरे पनि सांसदहरूले वेल घेराउलाई निरन्तरता दिएपछि सदन १५ मिनेटका लागि स्थगित गरिएको घोषणा गरेका थिए।
यसअघि सांसद साम्पाङको विरोधकै बीच विक्रम तिमल्सिना ले उठेका प्रश्नहरूमाथि सरकारको तर्फबाट जवाफ दिएका थिए।
मन्त्रीहरूको जवाफप्रति असन्तुष्टि जनाउँदै विपक्षी सांसदहरूले संसद् अवरुद्ध गरेपछि केही समयका लागि बैठक स्थगित भएको हो।
