दर्पन राईको चर्चित गीत ‘तिम्ले बाटो फेरेउ अरे’को REVIVE सार्वजनिक
हिराराज राई,धनकुटा । चर्चित नेपाली गीत ‘तिम्ले बाटो फेरेउ अरे’को REVIVE सार्वजनिक गरिएको छ। यसअघि यही गीतलाई गायिका जिग्मे छ्योकी घिसिङले सात वर्षको उमेरमा Child Version का रूपमा गाएकी थिइन्। Child Version गाएको दस वर्षपछि उनकै स्वरमा गीतलाई पुनः रेकर्ड गरी REVIVE श्रोतामाझ ल्याइएको हो।
गीतका सर्जक दर्पन राईले जिग्मेको स्वरमा गीतलाई REVIVE प्रस्तुत गरेका हुन्। नेपाली संगीतप्रेमीमाझ अत्यन्त लोकप्रिय बनेको यस गीतका यसअघि सिक्वेल–१, २, ३ र सिक्वेल–१ को Child Version समेत सार्वजनिक भइसकेका छन्।
गीतमा दर्पन राईको शब्द, टंक बुढाथोकीको संगीत, विशम आचार्यको एरेन्ज, किशोर थापाको मिक्सिङ तथा मास्टरिङ र राजेश श्रेष्ठको रेकर्डिङ रहेको छ। गीतको रेकर्डिङ एवन स्टुडियोमा गरिएको हो।
दर्पन राई गीतकार मात्र नभएर मोडेलसमेत हुन्। उक्त गीतलाई MMS Entertainment Pvt. Ltd. को आधिकारिक युट्युब च्यानलमार्फत सार्वजनिक गरिएको छ।
बालस्वरमै लोकप्रिय बनेको ‘तिम्ले बाटो फेरेउ अरे’लाई अहिले परिपक्व स्वरमा पुनः प्रस्तुत गर्दा पनि जिग्मे छ्योकी घिसिङको गायनले श्रोताबाट सकारात्मक प्रतिक्रिया पाइरहेको छ। Child Version मा जस्तै REVIVE मा पनि उनको स्वरको मिठास र भावपूर्ण प्रस्तुतिले श्रोताको मन जित्न सफल भएको संगीतप्रेमीहरूको प्रतिक्रिया रहेको छ।
