सुनसरीमा जेन्जी आन्दोलनका क्रममा कारागारबाट फरार भएका दुई जना प्रतिवादी पक्राउ
सुनसरी । जेन्जी आन्दोलनका क्रममा कारागारबाट फरार भएका दुई जना प्रतिवादीलाई प्रहरीले पक्राउ गरेको छ।
जिल्ला प्रहरी कार्यालय सुनसरीका अनुसार असोज २२ गते खटिएको प्रहरी टोलीले फरार प्रतिवादीहरूलाई जिल्लाका विभिन्न स्थानबाट पक्राउ गरेको हो।
पक्राउ पर्नेमा धरान उपमहानगरपालिका–२ का ३२ वर्षीय नाना भन्ने नरेन लोहनी रहेका छन्। उनी झुम्का कारागारबाट फरार भएका थिए। उनलाई इनरुवा नगरपालिका–४ स्थित सहमति चोकबाट पक्राउ गरिएको प्रहरीले जनाएको छ।
त्यस्तै, काठमाडौंस्थित जगन्नाथदेवल कारागारबाट फरार भएका ३० वर्षीय रत्नबहादुर राउतलाई इटहरी उपमहानगरपालिका–७ स्थित बालग्रामबाट पक्राउ गरिएको छ।
जिल्ला प्रहरी कार्यालय सुनसरीका प्रहरी नायव उपरीक्षक चन्द्रबहादुर खड्काले जारी गरेको प्रेस विज्ञप्तिमा दुवै जनालाई पक्राउ गरिएको उल्लेख छ।
