सुनसरीमा १ लाख १० हजार रुपैयाँ बराबरका भन्सार छलीका कपडा बरामद
सुनसरी । सुनसरीको बर्जु गाउँपालिकाबाट प्रहरीले भन्सार छली गरी भारतबाट नेपालतर्फ ल्याउँदै गरिएको लत्ताकपडा बरामद गरेको छ।
जिल्ला प्रहरी कार्यालय सुनसरीका अनुसार २०८३ असोज ३० गते राति ८:४५ बजे बर्जु गाउँपालिका–१ स्थित गेलाबारी चोकको भित्री सडकखण्डबाट प्रहरीले उक्त कपडा बरामद गरेको हो।
प्रहरी चौकी शुक्रबारे, सुनसरीबाट खटिएको प्रहरी टोलीले भारतबाट अवैध रूपमा ल्याउँदै गरिएको अन्दाजी १ लाख १० हजार रुपैयाँ बराबरको कुर्ता–सुरुवाल बरामद गरेको जिल्ला प्रहरी कार्यालय सुनसरीले जनाएको छ।
बरामद गरिएका कपडालाई आवश्यक कारबाहीका लागि इलाका प्रहरी कार्यालय दुहबीमा ल्याएर राखिएको प्रहरीले जनाएको छ।
