यसरी मनाईयो धनकुटामा गणतन्त्र दिवस (फोटो फिचर सहित)
गणतन्त्र दिवसमा आधा दर्जन ब्यबसायी सहित २३ पुरस्कृत
धनकुटा खबर, जेठ १५ । जिल्ला समन्वय समिति धनकुटाले जिल्लाका बिभिन्न क्षेत्रमा कार्यरत २३ जना ब्यक्ति तथा संस्थालाई पुरस्कृत गरेको छ ।
गणतन्त्र दिवसको अबसरमा समितिले ७ साना घरेलु उद्योगी तथा ब्यवसायी,३ सामुदायिक बिद्यालयका ५ जना छात्र–छात्रा,५ आन्तरीक कर्मचारी,२ सामाजिक परीचालक,२ पत्रकार र १ सामुदायिक बिद्यालयलाई पुरस्कृत गरेको हो ।
साना उद्योग तर्फ जलकन्या माहुरी उद्योगका लोक बहादुर नेपाल,कृतिका ब्यूटी पार्लरका प्रतिमा श्रेष्ठ,न्यू मधुगंगा सिलाईकटाईका सान्ता राई,पाथिभरा खुकुरी उद्योगका चन्द्र बहादुर बिक र यूनिक हस्तकला उद्योगका रविना राई पुरस्कृत भएका छन् ।
त्यस्तै पशु पालन तर्फ देवी गोबिन्द कृषि फर्मका लेखनाथ पौडेल र गाई पालन तर्फ रविन्द्रराज योगी पुरस्कृत भएका छन् ।
साना उद्योगीहरुलाई जवनही नगद ५ हजार र पशुपालकहरुलाई १० हजारका दरले पुरस्कृत गरिएको छ ।
त्यस्तै भरखरै सम्पन्न एसईईमा उत्कृष्ट नतिजा ल्याउन सफल त्रिवेणी माबि र गोकुण्डेश्वर माबि धनकुटाका २–२ छात्र–छात्रा र देउराली माबिका १ छात्रालाई जनही नगद रु ५ हजारले पुरस्कृत गरिएको छ ।
त्यस्तै यस बर्षको एसईईमा उत्कृष्ट नतिजा ल्याएको धनकुटा बजारको गोकुण्डेश्वर माबिलाई नगद रु ३० हजारले पुरस्कृत गरिएको छ ।
कार्यक्रममा जिल्ला समन्वयन समितिका लेखापाल,प्राबिधिक,नायक सब्बा र साविक गाबिसका सचिवहरुलाई जनही नगद ५ हजारका दरले पुरस्कृत गरेको छ ।
कार्यक्रममा नागरीक समाजको तर्फबाट बिदुर सुबेदी,सामाजिक संस्थाहरुको तर्फबाट सन्जय सन्तोषी राई,नकपा माओवादी केन्द्रका ऋषिराम ढुंगाना र नेकपा एमालेका अर्जुन राईले शुभकामना मन्तब्य राख्नु भएको थियो ।
प्रभातफेरी पछि आयोजना गरीएको पुरस्कार समारोहमा पुस्कृत ब्यत्ति तथा संस्थालाई प्रमुख जिल्ला अधिकारी प्रेम प्रकाश उप्रेती र स्थानिय बिकास अधिकारी पर्व प्रसाद साप्कोटाले नगद र प्रमाण–पत्र बितरण गरेका थिए ।
