एमालेका शिर्ष नेताहरु तराई नझरेको गुनासो बढीरहेका बेला एकैपटक शिर्ष नेता तराईमा
काठमाडौं, एमालेका शिर्ष नेताहरु असोज २ गते हुने तेश्रो चरणको स्थानिय तह निर्वाचनको प्रचारप्रसारका लागि बारा आउने क्रम बढेको छ । अन्य दलका शिर्ष नेताहरु जिल्लाका स्थानियहरुको वडावडा पुगेर कार्यक्रम गरिरहेका बेला एमाले शिर्ष नेताहरु तराई नझरेको गुनासो बढीरहेका बेला एकैपटक शिर्ष नेता तराई झरेका छन् ।
भोली अर्थात सुक्रबार एमाले अध्यक्ष एवं पूर्व प्रधानमन्त्री केपी शर्मा ओली बारा आउने भएका छन् । उनले एमाले बाराले जितपुरसिमरा उपमहानगरपालिकाको सिमरामा आयोजना गर्ने जनसभालाई सम्बोधन गर्ने र बिरगजं जाने कार्यक्रम रहेको छ । भोलीनै बरिष्ठ नेता एवं पुर्व प्रधानमन्त्रिहरु झलनाथ खनालले कोल्हबी नगरपालिकामा र माधब कुमार नेपालले बाराका दक्षिणी नगरपालिका तथा गांउपालिकामा आयोजीत चुनाबीसभालाई सम्बोधन गर्ने कार्यक्रम रहेको छ ।
शिर्ष नेताहरु सहभागी हुने कार्यक्रमहरुको सम्पूर्ण तयारी पुरा भएको एमाले बाराका प्रचार बिभाग प्रमुख मनोज पौडेलले जानकारी दिए ।
एमालेबाराले बिहिबार परवानिपुर गाउँपालिका र निजगढ नगरपालिकामा उपाध्यक्ष बामदेब गौतमकोे बुधबार बिश्रामपुर गाउँपालिकामा महासचिब ईश्वर पोखरेलको प्रमुख आतिथ्यतामा बिशाल चुनाबी सभा सम्पन्न गरेको छ ।
१६ वटा स्थानिय तहरहेको बारामा २ उपमहानगरपालिका,५ नगरपालिका र ९ गांउपालिका छन् । एमालेले सबै स्थानियतह जित्ने दाबि गर्दै आएको छ । यद्यपी त्यस्तो संभावना भने देखिएको छैन ।
