हिलेमा युवा तथा साना व्यवसायी स्वरोजगार कोषद्धारा सञ्चालित एक दिने अभिमुखीकरण गोष्ठि सम्पन्न
धनकुटा खबर, फागुन ८ । जिल्ला संयोजन तथा अनुगमन समिति धनकुटाको आयोजनामा आज हिलेमा युवा तथा साना व्यवसायी स्वरोजगार कोषद्धारा सञ्चालित एक दिने अभिमुखीकरण गोष्ठि सम्पन्न भएको छ ।
प्रमुख जिल्ला अधिकारी प्रेम प्रकाश उप्रेतीको अध्यक्षतामा सञ्चालित गोष्ठिमा युवा स्वरोजगार कोष अन्तर्गत लगानी गरिने दोश्रो किस्ताको लगानीको वारेमा छलफल भएको छ ।
गोष्ठिमा दिईएको जानकारी अनुसार स्वरोजगार कोष अन्र्तगतको दोश्रो किस्ताको लगानी भोलिदेखी शूरु गरिने छ ।
गोष्ठिमा युवा तथा साना व्यवसायी स्वरोजगार कोषको सचिवालयद्धारा लगानी भएका धनकुटा जिल्लाका ४ वटा सहकारी संस्थाहरु अरुण उपभोक्ता सहकारी संस्था,नवज्योति वचत तथा ऋण सहकारी संस्था,जनप्रगती वचत तथा ऋण सहकारी संस्था र हिमाली ग्रामीण सहकारी संस्थामा सम्वद्ध ४४ जना किसानहरुको उपस्थिती थियो ।
