मुढेवास गाविसमा पशु सेवा केन्द्र स्तरिय एक दिने तालिम सम्पन्न
धनकुटा खबर, फागुन १२ । धनकुटा जिल्लाको मुढेवास गाविसमा आज पशु सेवा केन्द्र स्तरिय एक दिने तालिम सम्पन्न भएको छ ।
सो क्षेत्रका मुढेवास, वसन्तटार र कुरुले तेनुपा गाविसका अगुवा पशूपालक कृषकहरुको उपस्थितीमा सञ्चालित तालिममा गाई,भैसी,वाख्रा सुंगुर लगायतका पशूहरुमा लाग्ने नाम्ले जुका र अन्य रोगका लक्षण र रोगहरु रोकथामको वारेमा छलफल भएको छ ।
तालिमको सहजीकरण मुढेवास पशूसेवा केन्द्र ख का प्रमुख देव नारायण श्रेष्ष्ठ र वसन्तटारका पशू प्राविधिक विमल मिश्रले सहजीकरण गर्नुभएको थियो ।
तालिममा सहभागी कृषकहरुले यस्ता खालका तालिमले पशुपालक किसानलाई धेरै सहयोग पुग्ने वताउदै फेरी फेरी पनि तालिम आयोजना गर्नु आवश्यक रहेको वताएकाछन् ।
