पत्रकार महासंघ धनकुटालाई बधाई ज्ञापन
धनकुटा खबर, फागुन २६ । स्थानिय शान्ति समिति धनकुटाले नेपाल पत्रकार महासंघको नवनिर्वाचित कार्यसमितिलाई बधाई तथा शुभकामना ज्ञापन गरेको छ ।
समितिले बुधबार एक कार्यक्रमको आयोजना गरी समितिका अध्यक्ष राजेश्वर बहादुर श्रेष्ठ सहित कार्यसमितिका सदस्यहरुलाई बधाई ज्ञापन गरेको हो ।
नयां कार्यसमितिलाई संयोजक बलबहादुर राई लगाएत पूर्व संयोजकहरु टिका प्रसाद घिमिरे,लालचन्द्र गोङ्वा लगाएत समितका पदाधिकारीले बधाई ज्ञापन गर्नुभएको थियो ।
फागुन ७ गते सम्पन्न भएको नेपाल पत्रकार महासंघ धनकुटाको १० अधिबेशनबाट सर्वसम्मत् रुपमा १८ सदस्यीय नयाँ समिति चयन भएको थियो ।
१४ केन्द्रिय र १९ प्रदेश सभासद् रहेको धनकुटामा हाल १ सय ४१ पत्रकार सदस्य संख्या कायम रहेको छ ।
