एमाले धनकुटाद्वारा पाख्रीबास नगरपालिकाका १६३ जनालाई सम्मान
धनकुटा खबर, चैत २ । नेकपा एमाले धनकुटाले पाख्रीबास नगरपालिकाका १ सय ६३ जेष्ठ नागरीक तथा एकल महिलाहरुलाई सम्मान गरेको छ ।
४ महिने पार्टी परिचालन अभियान अन्तर्गत बुधबार एमालेलेले पाख्रीबास नगरपाटीको आयोजनामा एक सम्मान कार्यक्रमको गरी उक्त सम्मान गरिएको हो ।
कार्यक्रममा पाख्रिबास नगरपालिकाका साबिक वडा नं.४, ५ र ६ वडाका १ सय ४० जेष्ठ नागरिक र २३ एकल महिलाहरुलाई सम्मान गरिएको वडा कमिटीका अध्यक्ष सोवित निरौलाले जानकारी दिनुभयो ।
जेष्ठ नागरीक तथा एकल महिलाहरुलाई नेकपा एमाले धनकुटाका अध्यक्ष राजेन्द्र राई, सचिवालय सदस्यहरु ईन्द्रमणि पराजुली, भीम राई, डागम राई, बृख राई लगाएतले दोसल्ला ओढाएर सम्मान गर्नुभएको थियो ।
