पूर्व शिक्षिकाले गरिन ४२ बिद्यार्थीहरुलाई शैक्षिक सामाग्री सहयोग !
धनकुटा खबर,१३ चैत । धनकुटाको एक प्राथमिक विद्यालयमा अध्ययनरत ४२ छात्रछात्रालाई बिद्यालयका पूर्व शिक्षिकाले शैक्षिक सामाग्री सहयोग गरेकी छन् ।
धनकुटा नगरपालिका ५ रहेको मार्गेश्वरी पाबिका पूर्व शिक्षिका मिना कुमारी राईले कक्षा १ देखि ५ सम्म २२ जनालाई स्कुल ब्याग र सोही विद्यालयमा अध्ययनरत विशेष कक्षा तर्फका २० जनालाई पेन्सिल र कपी सहयोग गरेकी हुन् ।
बिद्यालयका एक जेहेनदार बिद्यार्थीलाई नगद रु १ हजार सहित विद्यालय व्यवस्थापन समितिका अध्यक्ष पञ्चलाल राईलाई व्यवस्थापिका संसदका सदस्य अञ्जता ताम्लीले मार्फत् उक्त सामाग्री हस्तान्तरण गर्नुभएको थियो ।
