नामाङ्कन सिमाङकन सहितको संबिधान संशोधन बिनाको चुनाबमा जानु आत्मा हत्या गर्नु मात्र हो : मिराक
धनकुटा खबर, २५ चैत, नामाकङन सिमाङकन सहितको संबिधान संशोधन बिना चुनाबमा जानु भनेको आत्मा हत्या गर्नु मात्र भएको संघीय लिम्बुवान मञ्च नेपालका अध्यक्ष कुमार लिङदेन मिराकले बताउनु भयो ।
धनकुटाको छथर जोरपाटी गाँउपालिका सिधुवा बजारमा भएको तिन जिल्लाको केन्द्रिय सचिवालय शदश्य केन्द्रिय शदश्य तथा जिल्ला कमिटीहरुसँगको भेटघाट कार्यक्रमलाई सम्बोधन गर्दै लिङदेनले यस्तो बताउनु भएको हो ।
अहिले बनेको संबिधानमा संघिय गठबन्धनको मागलाई समाबेश नगरीएकोले यही अबश्थामा चुनाबमा जान नसकिने र राज्यले पहिचानबादी शक्तीलाई अझै पनि बेवास्ता गरे संघिय गठबन्धन आँधीबेरीको रुपमा आन्दोलन होमिने उहाँले बताउनु भयो ।
कार्यक्रममा केन्द्रिय उपाध्यक्ष कृष्ण तुम्बाहाम्फे, संघीय सामाजिक मञ्च प्रबास कार्य समिती कतारका अध्यक्ष नगेन्द्र ईभेङ केन्द्रिय महासचिब अशोक चेम्जोङ, उपमहासचिब चन्द्र सिंह नेम्बाङ , प्रान्तिय सचिवालय शदश्य कमल तिगेला, तेह्रथुम अध्यक्ष देउनारायण सम्बाहाम्फेले आ आफ्नो धारण राख्नु भएको थियो ।
कार्यक्रममा धनकुटा, तेह्रथुम र संखुवासभा जिल्लाका केन्द्रिय तथा जिल्ला स्तरिय कार्यकर्ताहरुको सहभागिता रहेको थियो ।
कार्यक्रम केन्द्रिय महासचिब यलम्बर यम्बुको अध्यक्षतामा सम्पन्न भएको थियो ।
