धनकुटामा २ निर्वाचन कार्यालय स्थापना गरियो
धनकुटा खबर, बैशाख ९ । धनकुटामा आज महालक्ष्मि नगरपालिका र छ थर गाउँपालिकामा निर्वाचनको कार्यालय स्थापना गरिएको छ ।
उक्त कार्यालयहरुको धनकुटा जिल्ला अदालतका मख्य न्यायधिश किशोर घिमिरेले महालक्ष्मिको जितपुर बजार र छथरको जोरपाटीमा छुट्टा–छुट्टै उत्घाटन गर्नुभएको छ ।
उत्घाटन समारोहमा प्रमुख जिल्ला अधिकारी प्रेम प्रकाश उप्रेती लगाएत बिभिन्न दलका प्रतिनीधिहरुले शुभकामना दिनुभएको थियो ।
निर्वाचन कार्यालयले महालक्ष्मिमा डाक्टर केशव घिमिरे र छ थरमा शेखर कार्कीलाई निर्वाचन अधिकृतको जिम्ममा दिएको छ ।
कार्यक्रममा महालक्ष्मिमा १५ हजार ७ सय ८३ र छथरमा १० हजार ७ सय ३६ मतदाताहरु रहेका निर्वाचन कार्यालय धनकुटाका प्रमुख प्रदिप शाहले जानकारी दिनुभयो ।
यस अघि धनकुटा नगरपालिका सहित धनकुटाको सामुदायिक भवनमा मुख्य निर्वाचनको कार्यालय राखेको निर्वाचन कार्यालय धनकुटाले १० गते भित्र धनकुटाका ७ वटै तहको कार्यालय स्थापना गरिसक्ने जानकारी दिएको छ ।
