म्हानीपा संघ धनकुटाद्वारा नगर संघ गठन
धनकुटा खबर, बैशाख ९ । म्हानीपा संघ धनकुटाले आज आफ्नो ९ सदस्यीय नगर संघ गठन गरेको छ ।
संघको आयोजनामा हिलेमा सम्पन्न एक कार्यक्रमको वीच सुनिता लावतीको अध्यक्षतामा ९ सदस्यीय नगर संघ गठन गरेको हो । संघको उपाध्यक्षमा विना तामाङ्ग,सचिवमा रिता तामाङ्ग,कोषाध्यक्षमा रेविका तामाङ्ग रहेका छन् ।
अन्य सदस्यहरुमा रोजिना तामाङ्ग,टेक वहादुर गोङ्गवा,ललीता तामाङ्ग,शुष्मा तामाङ्ग रहेकाछन् । संघले भगवान गौतम वुद्धको उपदेश प्रचार प्रसारमा सहयोग गर्ने जनाईएको छ ।
संघका जिल्ला अध्यक्ष हरीलाल मोक्तानको अध्यक्षता तथा केन्द्रिय महासचिव मणी लामाको प्रमुख आतिथ्यमा सम्पन्न कार्यक्रममा छ्योलिङ्ग गुम्भाका लामा गुरु दोर्जे उक्याप लामा,लामा घेदुङ्गका जिल्ला कोषाध्यक्ष तेजवहादुर वम्जन,नेपाल तामाङ्ग घेदुङ्गका जिल्ला अध्यक्ष सिताराम थिङ्ग,संघका उपाध्यक्ष पेमा लामा लगायतको उपस्थिती थियो ।
