अपडेटः पाख्रीबास र छिन्ताङ्गमा निर्वाचन कार्यालय स्थापना गरियो
धनकुटा खबर, बैशाख १० । जिल्ला निर्वाचन कार्यलय धनकुटाले आज जिल्लाको पाख्रीवास नगरपालिका र खाल्सा छिन्ताङ्ग शहिद भूमि गाउपालिकामा निर्वाचन कार्यलय स्थापना गरेको छ ।
यी दुई स्थान मध्ये पाख्रीवास नगरपालिकामा निर्वाचन अधिकृतको जिम्मा मनोज आचार्यलाई दिईएको छ भने खाल्सा छिन्ताङ्ग शहिद भूमि गाउँपालिकाको अधिकृतको जिम्मा रमेश राज गौतमलाई दिईएका जिल्ला निर्वाचन कार्यलय धनकुटाका प्रमुख प्रदिप कुमार शाहले जानकारी दिनुभयो ।
स्थानीय तह निर्वाचनको तयारी स्रुप वैशाख तीन गते धनकुटा सदरमुकामा, वैशाख ९ गते हिजो महालक्ष्मी नगरपालिका र छ थर जोरपार्टी गाउपालीकामा कार्यलय स्थापना गरिसकेका जिल्ला जिर्वाचन कार्यलयले आज ती दुई स्थानमा कार्यलय स्थापना गरी उद्घाटन गरेको हो ।
कार्यलयले भोलि चौविसे र सागुरीगढी गाउँपालिकामा निर्वाचन कार्यलय उद्घाटन गरे पछि कार्यलय स्थापनाको काम सकिने जिल्ला निर्वाचन कार्यलयले जनाएको छ । स्थानीय तहको निर्वाचनका लागि यी कामहरु गरिरहदाँ अहिले सम्म जिल्लामा निर्वाचनका तयारी करिव ९० प्रतिशत सकिएको शाहले वताउनुभयो ।
निर्वाचनमा कसैको मत खेर नजाओस भन्ने लक्षका साथ कार्यलयले जिल्लाको सवै नगरपालिका र गाउपालिकामा १ सय ३० स्यम्सेवकलाई मतदाता शिक्षा कार्यक्रममा खटाएको छ । धनकुटा जिल्लाको तीन नगरपालिका र चार गाउँपालिकामा ४८ हजार ७ सय ८० जना महिला र ४६ हजार ५ सय ८७ जना पुरुष मतदाता रहेको कार्यलयले जनाएको छ ।
