इजरायलले गर्यो सिरियाली सैन्य अखडामा हमला, तीन सैनिकको मृत्यु
सिरिया, वैशाख १० । इजरायलले गोलनहाइट नजिकैको सिरियाली सरकारी सैन्य अखडामा आइतबार (आज) हमला गर्दा कम्तिमा तीनजना सिरियाली सेनाको मृत्यु भएको सिरियाली सैनिक अधिकारीले बताएका छन् ।
सैनिक अधिकारीले अलफवार शिविर नजिकैको कुनैत्रामा भएको उक्त घटनामा घाइतेसमेत बनेको एएफपीलाई बताएका छन् । तर, घटनामा हवाई आक्रमण भएको थियो वा गोलावारी थियो भन्ने नखुलेको बताइएको छ ।
सिरियाली मानवअधिकार नियमनकारी संस्था, ‘सिरियन अव्जरभेटररी फर ह्यूमन राइट्स मनिटरिंग’ले आक्रमण सेनाको हतियार भण्डारण केन्द्रलाई लक्षित गरी गरिएको उल्लेख गरेको छ ।
हमलाबारे इजरायली सेनाले भने समाचार तयार पार्दासम्म कुनै प्रतिक्रिया दिएको छैन । रासस/एएफपी
