धनकुटाको सिंधुवालाई तरकारी जोन बनाईने
धनकुटा खबर, बैशाख १० । धनकुटाको परेवादिन गाबिसको सिंधुवा क्षेत्रलाई तरकारी जोन इकाईका रुपमा संचालनमा ल्याईने भएको छ ।
प्रधानमन्त्री कृषि आधुनिकिकरण परियोजना अन्तर्गत् तरकारीको राजधानीको रुपमा परिचित उक्त क्षेत्रमा परियोजना सन्चालनमा आउन लागेको हो ।
चालु आर्थिक बर्ष देखि सिंधुवामा कार्यालय स्थापना गरेर परेवादिन सहित मूर्तिढुङ्गा र तांखुवा गाविसमा काम गर्ने परियोजनाका इकाई प्रमुख हर्षहाङ राईले जानकारी दिए ।
उक्त परियोजना अन्तर्गत् सो क्षेत्रको तरकारी उत्पादन, पोष्ट हार्वेष्टिङ्ग, कस्टम हायरिङ्ग सेन्टर, कोल्डस्टोर लगायतका पूर्वाधार विकास गरि कृषि उत्पादन र निकासीमा सहयोग पुग्ने उनले बताए ।
१० बर्षे परियोजना अन्तर्गत सन्चालन आउने सो जोनमा यस आर्थिक बर्षमा ८८ लाख रुपैयाँ खर्च गरीने छ ।
कार्यबिधि तयार हुने बित्तिकै इकाईले एकजना उप–सचिव सहित ६ जना कर्मचारीहरुले कामसुरु गर्ने बताइएको छ ।
तस्वीर: सिंधुवा नजिक ताँखुवाको जोरपाटीमा हरियो मटरकोसा टिप्दै किसानहरु र धनकुटाको परेवादीन गाबिसको सिंधुवा बजार गाउँका किसानले उत्पादन गरेको बन्दा ट्याक्टरमा ल्याएर ट्रकमा लगाउँदै मजदुर ब्यपारीहरु
