धनकुटामा घण्टे बोकाको आतंक, महिलाहरुलाई हानेर सख्त घाईते बनायो
धनकुटा खबर, बैशाख १६ । देउताको नाममा छाडा छाडिएको घण्टे बोकाले हानेर धनकुटामा एक जना जेष्ठ नागरीक सख्त घाईते भएका छन् ।
धनकुटामा रहेको निशान थान मन्दिरको नाममा छाडिएको कालो बोकाले हान्दा धनकुटा तल्लो कोप्चेकी ६५ बर्षि लगनी राई सख्त घाईते भएका हुन् ।
बसिरहेको स्थानमा अचानक बोकाले हान्दा उनको देब्रे खुट्टाको तिघ्रामा करिव आधा फुट लामो गहिरो घाउ भएको छ ।
करिव ३ घण्टा लामो अपरेशन पछि घाईते राई धनकुटा अस्पतालमा उपचारको क्रममा रहेकी छिन् ।
यस अघि सोहि वडाको पुजारी टोल र कर्मिटारका दुई महिलाहरुलाई उक्त कोकाले हानेर घाईते बनाएको स्थानियबासीहरुले बताएका छन् ।
