ठूलो जमातमा आएको खागले चिलेर ४४ जना घाइते
दार्खा (धादिङ), २१ वैशाख । सिद्धलेख गाउँपालिका–१ नयाँ बस्तीमा खाग (अरिङ्गालभन्दा ठूलो मौरी जस्तो देखिने) ले चिलेर ४४ जना घाइते भएका छन् ।
घाइतेमध्ये २२ जनालाई उपचारका लागि जिल्ला अस्पतालमा ल्याइएको छ । ठूलो जमातमा आएको खागले घरमा बसिरहेका स्थानीयलाई चिलेको थियो ।
खागले चिलेपछि उनीहरुमा सुन्निने, रिङ्गाटा लाग्ने, टाउको दुख्ने समस्या देखिएको थियो । अनुहार, हात खुट्टा, ढाड, कानलगायत विभिन्न अङ्गमा चिलेर घाइते भएकाको उपचार भइरहेको चिकित्सकले बताएका छन् । रासस
