चुनावलाई मर्यादित बनाउन धनकुटामा सर्वदलिय निर्वाचन सन्चालन समिति गठन गरियो
धनकुटा खबर, बैशाख २२ । आसन्न जेठ ३१ गतेको स्थानिय तहको चुनावलाई मर्यादित बनाउन धनकुटामा १८ सदस्यीय सर्वदलिय निर्वाचन सन्चालन सहयोग समिति गठन गरिएको छ ।
धनकुटाबाट निर्वाचनमा भाग लिने १७ वटा राजनैतिकका प्रमुख सदस्य सहने गरी प्रमुख जिल्ला अधिकारी प्रेम प्रकास उप्रेतीको संयोजनकत्वमा उक्त समिति गठन गरिएको हो ।
जिल्ला अदालतका मुख्य न्यायधिस तथा प्रमुख निर्वाचन आयुक्त किशोर घिमिरेको अध्यक्षतामा आज बसेको सर्वदलिय बैठकले उक्त समिति गठन गरिएको हो ।
उक्त बैठकले आसन्न निर्वाचनमा सबै दलहरुले आचारसहिंता पालना गर्ने,आचार संहिंता उलंघन भएको भए त्यसलाई तत्काल सुधार गर्ने,दलहरुले चुनावी कार्यक्रम गर्नुपूर्व जिल्ला प्रशासनमा जानकारी गराउने लगाएतका बिभिन्न ६ वटा निर्णय गरिएको छ ।
उक्त समितिले निर्वाचन सम्बिन्धि आईपर्ने समस्याहरुको समधान गर्न सहयोग मिल्ने निर्वाचन आयुक्त घिमिरेले जानकारी दिनुभयो ।
९५ हजार ३ सय ६७ मतदाता भएको धनकुटामा १ सय १७ मतदान केन्द्र रहेको निर्वाचन कार्यालय धनकुटाका निर्वाचन कार्यालय धनकुटाले जानकारी दिएको छ ।
