धनकुटाको मूर्तिढुङ्गामा निःशुल्क पशु स्वास्थ्य शिविर सञ्चालन, बैशाख २७ गते लेगुवा सालघारीमा हुने
धनकुटा खबर, बैशाख २३ । धनकुटाको महालक्षमी नगरपालिका वडा नं ९ मूर्तिढुङ्गामा आज निःशुल्क पशु स्वास्थ्य शिविर सञ्चालन गरिएको छ ।
जिल्ला पशूसेवा कार्यलय धनकुटाको आयोजनामा सञ्चालित शिविरमा १७ सय ५२ पशुको उपचार गरिएको कार्यलयका प्रमुख डा झविन्द्र मरासिनीले जानकारी दिनुभयो ।
मरासिनीका अनुसार ३ सय ४ वटा गाई गोरु,४ सय ९६ वटा वाख्रा,५३ वटा वंगुर,८३ वटा भैसी र ८ सय ६ वटा कुखुरा गरी जम्मा उल्लेखीत संख्यका पशुहरुको उपचार गरिएको हो ।
यति संख्यका पशुहरुको उपचार गर्दा त्यहाँका एक सय चौध घरधुरी पशुपालक किसान लाभान्वित भएको पनि उहाँले वताउनु भयो ।
यस्तै शिविर वैशाख २७ गते सोही नगरपालिकाको वडा नं ७ लेगुवा सालघारीमा हुनेछ ।
साथै कार्यलयले आज त्यहाँका भूकम्प प्रभवित किसानहरु समक्ष राहत वितरणको सम्वन्धमा समेत सम्झौता गरेको छ ।
भूकम्प पीडितलाई राहत दिने कार्य अन्र्तगत वोका वितरण,गाई भैसी को गोठ सुधार लगायतका कार्यक्रमहरु रहेका छन् ।
उल्लेखीत कार्यक्रम अन्र्तगत राज्यले तोकेको मापद्धण्ड किसानले पुरा गरेपछि जेष्ठ १० गते देखी कार्यलयले राहत वितरण गर्ने सम्झौता भएको कार्यलयले जनाएको छ ।
