धनकुटा भेडेटार स्थितको नमस्ते झरनादेखी नाम्जे र आत्माघर जोड्ने पर्यटकिय पदमार्गको निर्माण कार्य सकियो
धनकुटा खबर, बैशाख २४ । पर्यटकीय स्थल धनकुटाको भेडेटार स्थितको नमस्ते झरनादेखी काम्फेक, नाम्जे र आत्माघर जोड्ने करिव तीन किलो मिटर पर्यटकिय पदमार्गको निर्माण कार्य सकिएको छ ।
विशेष गरी तराई क्षेत्र वाट यहाँ घुमफिरका लागि आउने पर्यटकहरुलाई लक्षित गरी निर्माण निर्माण गरिएको यो पदमार्ग पर्यटन कार्यालय बिर्तामोढको करिब २५ लाख रुपैयाँको लागतमा निर्माण गरिएको हो ।
धनकुटाको भेडेटार, नाम्जे, नमस्ते झरना र साँगुरीगढी पर्यटकिय श्रृङखलामा पुग्ने आन्तरिक र बाह्य पर्यटकहरुको सहज यात्रा र बसाइ अबधि लम्ब्याउन पदमार्ग निर्माण गरिएको नमस्ते झरना व्यवस्थापन समितिका अध्यक्ष दिलिप लिम्वुले जानकारी दिनुभयो । पदमार्ग निर्माणको कार्य सकिए सँगै यहाँ आउने पर्यटकहरुलाई पदयात्रा गर्न सहज हुने अपेक्षा गरिएको छ ।
साथै झरनामा घुम्न आएका पर्यटकहरुको सहजताका लागि पार्किङ्ग स्थल व्यवस्थित गर्ने कार्य पनि थालिएको छ । जसअनुसार अहिले पर्यटन कार्यलयको ५ लाख र जिल्ला भूसंरक्षण कार्यलयवाट प्राप्त ८६ घन मिटरको ६२ थान जालीले पार्किङ्ग स्थलको आधा भाग तारघेरावारा गरेको अध्यक्ष लिम्वुको भनाई छ ।
अव वाँकी भाग अन्य श्रोतवाट आगामी दिनमा व्यवस्थित गर्दैजाने योजना छ । अहिले नमस्ते झरनामा दैनिक एक हजार भन्दा वढी पर्यटकहरु आउने गरेकाछन् ।
