पम्पसेट बिग्रिएपछि डाडाबजारवासीलाई खानेपानीको समस्या
धनकुटा खबर, २९ वैशाख । धनकुटाको सागुरीगढि गाउँपालिका वडा न.५ डाडाबजारमा खानेपानीको समस्या भएको छ ।
स्थानिय ठोट्ने खोलावाट पम्पिङ्ग सिस्टमवाट खानेपानी ल्याएर स्थानियवासीले उपभोग गर्दै आएका भएपनि पम्पसेट विग्रिएपछि खानेपानीको हाहाकार भएको हो ।
पम्पसेट विग्रिएको तिन हप्ताभन्दा वढि भईसकेको छ । खानेपानी उपभोक्ता समितिले पम्पसेट खरिद गरि जडान गरेपनि चट्याङ्गले क्षति पुराएपछि थप समस्या भएको उपभोक्ता समितिका अध्यक्ष कुमारजंङ्ग याख्याले वताउनुभयो ।
उपभोक्ता समितिले तिन पटक सम्म पम्पसेट खरिद गरि जडान गरेपनि चट्याङ्गले क्षति पुराएपछि अहिले आर्थिक अभावका कारण पम्पसेट खरिद गर्न समस्या भएको अध्यक्ष याख्याको भनाई छ ।
अहिले स्थानियवासीहरुले खानेपानीको समस्या समाधानका लागी पम्पसेट खरिद गर्न आर्थिक श्रोतको खोजी समेत गरिरहेको स्थानिय धुव्र घिमिरेले वताउनुभयो ।
पम्पसेट विग्रिएर पानी आपुर्ति नहुदाँ डाडाबजारमा रहेका १ सय २५ घरधुरीलाई खानेपानीको व्यवस्था गर्न समस्या भएको छ । खानेपानीको जोहो गर्न लागी एक घण्टा भन्दा टाढा रहेको मुहानमा पानी लिन जानुपर्ने वाध्यता रहेको स्थानिय दिपा घिमिरेले वताउनुभयो ।
